~差電完畢~

同老友阿強夫婦去北海道差電,真係好正

特別係浸溫泉0既時候真係可以忘記所有

野,可惜得八日太少希望下次再玩耐D.

**好嗎?阿強^_^**

運氣之戰

尋晚睇完兩場大戰之後發覺原來運氣係好重要的,

頭場曼徹斯特打比 , 曼聯1球小勝曼城係靠小小運

氣朗尼門前執雞入左佢第100球.

尾場倫敦打比, 阿仙奴反勝車仔係靠多多運氣,試

問雲佩斯咁明顯的越位居然都唔吹,仲可以反勝

埋2-1你話運氣對於任何事係幾咁重要.

~Welbeck~

請記住我的名字 "Welbeck",曼聯的青訓產品.

~鐵人都要休息~

得知"老死"阿強今日覆了診,醫生話佢疲勞過度

而需要食藥同叫佢唔好咁操勞.這個都係我成日同

佢講的,需知博殺緊要但係鐵人都要休息一下卦

~放鬆D啦老友~。

おとうとのBirthday

今日係阿文的生日,祝佢身體健康、事事順利

兩個囝囝聽聽話話啦~

Happy Halloween (ToT)

今日係Halloween日子,希望大家可以將近來0既

唔開心同埋不滿一齊發洩出0黎,盡情開心一晚.

Happy Halloween ^o^

しゃぶしゃぶ

雖然還有一段時間才去日本,但我同太座已經充滿

期待0既心情,所以星期六去買左一點火煱配料回

家しゃぶしゃぶ包括安格斯牛同野菜,希望止住咳

先啦. ^_^"

金身被破

車仔0既主場 86 場不敗紀錄終於被破,

仲要係俾-6利記破真無天理,雖然我唔

喜歡利記但尋日表現係俾車仔好,傷病

對任何強隊都係唔講得少.

清風送爽

尋晚曼聯又清風送爽咁主場贏左些路迪三球,

其中 B9 又入兩球^_^佢終於發揮到應有水準了

而 R10 都有一球進賬 ( 果然入球停不了~勁 )

希望繼續keep住呢團火啦.

豉油皇蝦

尋日太座參照"阿蘇"方法烹製左豉油皇蝦

經我試驗後我就俾左80分, 因為個豉油略

甜但係買相係OK的.繼續努力"BB"

好鮮味呀 ^0*

尋晚同太座去左間日本料理餐廳食dinner,

除左叫了個set之外經店長推介仲開左只

活赤貝同活蟶子tim, 赤貝剌身鮮味到不得

了而蟶子就用了鐵板製作都十分爽口,好味

我仲開左兩樽"sake" tim.

吉野陳

尋日0係屋企太座整左一個之前響吉野家食到0既"哥行"

就係蟹籽三文魚碎飯,食飽之後覺得同吉野家無咩分別.

Yummy~ 吉野陳應該有得做.

球桿

尋日去左練波撞正Macgregor做緊Demo days

我就梗係第一時間試一試佢地新一系列NV-NXR

啦,我楝左支Driver同埋支Iron桿泥試發覺手感

相當唔錯,我諗係時候要換左我套球桿.

好NV-NXR你等我不久之後就帶你返屋企.

品嚐管家仔

尋日一早起身突然諗起原來已經係食大閘蟹時候,

於是就同太座去左九龍城睇吓啦,嘩~見到成條街

人頭湧湧同埋不段有人向我地推銷,我地睇左一陣

之後就同一間老字號購買.點解咁多間老字號我會

揀呢間,因為佢地D蟹名好得意以前D叫法多數都係

大,中,小 或者甚麼蟹霸、蟹后咁姐,但係今年唔人係

唔係受到"家好月圓"影響 D 名全部變晒 JO飽,荷媽,

紅姨,管家仔同埋于素心~天呀、點解會咁0架.但係

我都買左 4 隻 "管家仔"返屋企品嚐真係非常好味.

好~下次一於試吓品嚐"紅姨"先. 嘿嘿~

又來 ?

又有一個風姐0黎探香港了,今次大姐個名

叫"海高斯".希望佢今次到訪時唔好帶0黎

咁多災害就好了.

入波啦~

曼聯0係歐聯贏波了,朗尼一球而新加盟0既

貝碧托夫仲要梅開二度添真係可喜可賀,

希望佢可以keep住每場有波入,為曼聯再贏

多D錦標.

兒童樂園

上星期六係侄仔"浩朗"五才的生日,佢父母係老麥幫佢攪左個

Party,睇見佢同D同學仔玩到不亦樂乎,令我都感受到做小朋友

真係好幸福又唔駛為咩事都煩惱一餐.真好~

**祝阿朗仔聰明伶俐,快高長大,健健康康啦**

心泰軟

尋晚同太座去左新城市廣場間心.泰

吃晚飯,點左個軟殼蟹卷、炒芥蘭同

埋我地最喜愛0既咖哩蝦 , D咖哩味

好香我仲點左一件薄餅同一碗白飯

泥食.好正

仲要推介杯飲品我覺得好好飲0既,就係"Fair Way"

石榴汁 + 伏特加 , 感覺好清新.

第四彈

如無記錯,這個"黑格比"應該係今年第四個颱風到訪

相對前幾年,今年真係算多打風可以俾我地D上班一

族多幾日假期,但係今次唔同0既就係夜晚到、朝早走

攪到無得享受呢種欣賜假期,勁唔開心 >_<"

開心相聚天

尋日相約阿強夫婦去了大埔練習高爾夫球,

由於他們都是第一次接觸這種運動,所以我

這個臨時導師便教了些基本姿勢給他們.大

約三十分鐘左右已經可以將球打出,果然利害

之後便轉戰到我家打機及欣賞車曼大戰(太

太們就係睇"荷媽風暴").大家都過得好開心

**非常感謝"強太"泡製了一餐很好吃的晚餐**

敗仗一場

今場曼聯表現我只可以用12個字形容:

"天作孽 猶可恕、自作孽 不可活"

街霸魅力

尋日偶爾入左間機舖見到某個角落人山人海

心諗咩料呀,於是我行埋去睇吓原來係放左兩

台新出的street fighter IV,唔怪之得咁多人圍

住啦.今集個畫面又真係幾靚可能間機舖用左

Full HD LCD 啦,所以好多人跟(我都係其中一個)

等左大約 五~六分鐘終於到我,我用左阿KEN

對戰但係好快就俾D高手KO左 *_* (因為我本身

打街霸唔係好叻,但係都俾週邊氣氛影響而付

出 "五" 大元.)

曼徹斯特日

尋日曼徹斯特城的兩支球隊都分別簽入強援,

曼聯: 攪左兩個幾月終於都攪掂貝碧托夫,大部

份球迷都應該好開心(包括我)因為終於都有個

正前鋒可以用,但係又覺得佢唔值3075萬鎊仲

要外借個費沙甘寶俾熱剌用一季tim.真係希望

貝碧打出值呢個身價0既足球啦 >^0^<

曼城: 今年係曉士領軍之下簽左都幾多球員返

泥,諗住最堅都係胡禮仔回巢姐點知last呢日咁

激用3200萬鎊破轉會費擸埋羅賓奴返泥,我諗

都無咩人會估到皇馬真係絕.依家曼城好似係

巴西幫咁(有祖奧同伊蘭奴) 三义戟.

P.S. 期待 打吡戰 C朗 大鬥 羅賓奴

拜拜了~

走了, saha 終於都要走轉會到愛華頓

一路順風啦,期望你可以回復應有水準.

曼聯球迷唔會忘記你的.

( 咁貝碧轉投曼聯機會又會大D. ^0^ )

3D 效果

跟太座去觀賞3D 版本的地心探險記,效果好逼真

有幾幕我同太座都不其然"嘩"了出來果然好立體

值得一睇.(唯一唔好就係幅3D鏡,帶足全場好攰)

曲終人散

為期16日的奧運終於完結了,今屆祖國都突破摘金數目
有 51 塊真係可喜可賀,不過都有遺憾o既事 就係"欄王"
因傷退出左,實在係美中不足.希望佢儘快養好傷再次
為我地祖國攞金牌.

鸚鵡覓食

尋日隻"鸚鵡"走泥香港覓食,攪到通地都係斷樹枝

又吹走一條人命 , 唉~ 阿神鳥唔駛咁盡嘛 !

久違的足球場

尋日應我的舊同學阿強相約去踢波,呢次亦係我廿年來

再度上埸踢波仲要係同阿強一齊踢,感覺好似返到以前

讀書時代一樣好開心,但係唔知係咪太耐無踢所以我只

可以踢到大約五分鐘左右已經汗如雨下同埋好攰要離

場,不過我都好享受仲要爆左一段添,相信下次再踢0既

時候會好D ^v^.

開波~

英超今日終於開鑼了,相信大家都餓左好耐波(包括我)

今晚開始大家又可以為自己喜愛球隊打氣了.

~曼聯加油、贏多D冠軍~

JOJO 上身>_<"

尋日同太座一齊收工坐車回家途中遇到一件怪事

話說我地上左巴士後坐左係個女士旁邊,一路都無

咩特別,但係過左十零分鐘佢可始泥料突然間佢自

言自語講 隔離果個女人(即係我太座)個袋好似有

只手伸過泥搶野咁,又話佢係魔鬼派過泥扮<先知>,

我發覺唔多對路梗係搵位閃啦,我換左位之後當然

望一望佢啦點知俾佢發覺到,跟住佢又叫佢個先知

調查一下我,我聽到不其然笑左出泥同即刻係諗到

JOJO套漫畫.本來我想同佢鬥癲,不過太座叫我唔好

再刺激佢,到埋站落客時我都見到好多人望下佢.

點解呢個社會咁多呢種人 "先知" 喎, 生滋就有

夠鐘好食藥了.

恐怖的大火

勇救旺角大火而殉職0既消防英雄

令我覺得 火雖無情 但 人間有情,

0係度再一次感謝呢兩位捨身救人的大英雄.

結束了

攪左好耐0既 C7 轉會鬧劇今日終於落幕,佢本人表態話繼續會用個心效力曼聯,本

來我應該好開心,但係諗深一層你之前講左D傷透我地球迷說話,都唔知信唔信你好

希望你真係講得出同做得到踢返多D好波等我地再支持你吧!